خطيبي بعت رسالة رب
خطيبي بعت ليَّا الرسالة دي واللِّي بعدها الدنيا كلها إتحوَّلت لكابوس حقيقي بالنسبة لينا؛
كنَّا خلاص بنحدد يوم فرحنا هيكون إمتى لكن زي ما بيقولوا يا فرحة ما تمت.. ولأن بعد أسبوع من الرسالة دي عرفت أسوأ خبر في حياتي وهو إني عندي مشكلة في القـ.ـلب كان الوضع سئ وساءت حالتي جدًا ومكنش في وقتها في غير حل واحد بس وهو زراعـ.ـة قلب جديد ليَّا
الدنيا كلها إنقفلب رأسًا على عقب وكان باين على خطيبي في الفترة الأخيرة إنو حزين جدًا عليَّا وعلى اللي حصل وإزاي حياتنا إتبدلت كده، بس بردو كان عندي شعور إن في شئ تاني مضايقة جدًا، قولت بعدين ممكن أقدر أعرف وبعد فترة بدأ يكون في بصيص أمل لمَّا لقينا مُتبـ.ـرِّع وفعلًا تم زرع قلب ليَّا،
الصدمة إن المُتبرع كان هو خطيبي،
ده كان أسوأ كابوس عيشته في حياتي، كنت بحاول أتأقلم على فقدانه بس الوضع كان صعب عليَّا جدًا، هو اه راح بس هيفضل معايا للأبد مع كل نبضة قلبي بينبضها، مكنتش أتوقع إنه ممكن يحبِّني لدرجة إنه يتخلى عن حياته عشاني،
بعد فترة بقيت أحس إن في حد مضايقني جدًا بس مش عارفه هو مين، حد معـ.ـكَّر مزاجي دايمًا وفي ضيقة في قلبي من ناحية الشخص ده اللي بردو معرفش هو مين، فكَّرت إن ده العادي في البداية بسبب الـ.ـزَّرع، لكن لا.. الموضوع إتطوَّر معايا وبقا الكـ.ـره بيزيد جوَّيا وفي مره إشتقت لخطيبي فمسكت التليفون وبدأت أقلِب في الشات اللي كان بينَّا وأنا بدوَّر على أي ذكريات بينَّا، ولسه بفتح الشَّات لقيت آخر رسالة هو بعتها ليَّا قبل ما أزرع القلب، رسالة غريبة خلَّت جسمي في صدمة لما لقيته باعت
“أنا آسف.. بس أنا مش هقدر أعمل كده لأني جبان.. بس عارف إنك هتقدري وتريَّحيني”
مكنتش فاهمة قصده إيه؟! هل قصده إنه مش هيقدر يكمَّل حياته من غيري وإنه جبان عشان كده إتبـ.ـرَّع ليَّا بقلبة؟!
بس في كلام بردو مش مفهوم.. قرَّرت أنسى أصل هيفرق بأيه ما خلاص هو راح،
وبعد فترة لما بقيت كويسة وأقدر أشتغل لقيت وظيفة مناسبة وقدمت فيها وإتقبلت قولت يمكن أنسى، بس مع الأسف منستش الكـ.ـره اللي في قلبي للشخص ده وفي يوم وخصوصًا بعد يوم طويل جدًا من الشغل ركبت العربية وكنت في طريقي للبيت وأنا نازلة من العربية كان الكـ.ـره اللي في قلبي بيزيد جدًا ونبضات قلبي بدأت تزيد معاه، إستغربت اللي بيحصل