المشوهه
رقيه هزت راسها بهدوء ومش قادره تبص في عيونه لإنها عارفه إنها هتضعف لو عملت كده وده اللي عنان بيحاول يعمله
مشي عنان ،ورقيه أخيرا استسلمت لنوبة من العياط الهيستيري لحد ما راحت في نوم طويل
“””””””””””””””””””””””
« بعد مرور تلات شهور »
عنان بيكلم ابنه حمزه ڤيديو كول
حمزه ببراءة :بابي انت هتيجي امتى بقا ،انت وحشتني اووي ،وكمان مامي تعبانه عشان انت مش موجود
عنان بقلق وخوف علي رقيه :مالها مامي يا حمزه
حمزه :من وقت ما انت مشيت وهي علطول بتعيط
بس لما بقولها مالك يامامي بتقولي إن حاجه دخلت في عينيها ،بس أنا عارف إنها بتكون بتعيط ،كده مامي بتكدب وانت قولتلي اللي بيكدب بيخش النـ,,ـار
وأنا مش عايز مامي تخش النـ,,ـار يا بابي
عنان بحزن : متخافش يا حبيبي مامي مش هتخش النـ,,ـار ،قولي هي ماما فين
حمزه : مامي نايمه في أوضتها
عنان :وتيته فين
حمزه: نزلت تجيب حاجات من السوبر ماركت اللي تحت البيت
عنان :طيب بص هطلب منك طلب ،وانت عشان ولد كبير هتعرف تعمله صح؟
حمزه ببراءة :أيوه أنا ولد كبير
عنان:بص يا حبيبي انت هتروح عند مامي و*******
“””””””””””
« في أوضة رقيه »
حمزه : ها يا بابي كده شايف مامي كويس
عنان : حط كاميرة الموبايل يمين شويه
حمزه : أهو
عنان بدأ ياخذ اسكرين شوت لرقيه اللي نايمه عالسرير لإنها ظاهره علي موبايله في الڤيديو كول بعد ماطلب من حمزه يصورها وهو بيكلمه
حمزه بصوت واطي:ها يابابي خلصلت أنا إيدي وجعتني
عنان :ماشي يا حمزه خلاص ، زي ما اتفقنا ماما متعرفش إني طلبت منك تصورها ….أنا هقفل دلوقتي بقا عشان ورايا شغل ،سلام ياحبيبي
عنان قفل مكالمه الڤيديو مع حمزه ،واتنهد بحزن وهو شايف الصور اللي أخدها لرقيه من الڤيديو
اتنهد بحزن وهو بيتأمل رقيه اللي خست جدا ووشها مرهق والهالات السوده اللي تحت عينيها
عنان بيعاتب صورة رقيه :بقا كده يا رقيه ،مش بتردي حتي عالموبايل ،مش عايزاني حتي أسمع صوتك ،مش كفاية تلات شهور بحالهم مشـ,,ـوفتكيش ،وحشتيني اووي ياحبيبتي ،امتى بقا هتسامحيني
عنان بعتلها أغنيه بتعبر عن إحساسه والوجع اللي جواه من فراقها
♡♡
” تنساني ليه بالله عليك ”
” ونا قلبي حياته وروحه فيكـ ! ”
” وازاي هيجيلو حبيبي نوم ”
” لو مش لاقيكـ ! ”
♡♡
“””””””””””””””
الأم : رقيه حبيبتي اصحي يلا ..فيه واحده جت وبتسأل عليكي بره
رقيه بنوم :مين يا ماما
الأم :مش عارفه بس بتقول اسمها يارا
« في الصالون »
رقيه : أهلا يا يارا عامله ايه
يارا بتعب ومعالم الإرهاق باينه علي وشها :الحمدلله يارقيه انتي عامله ايه وحمزه عامل ايه
رقيه: الحمدلله كويسين ،خير انتي كويسه شكلك مرهق جدا
يارا بد,موع : انتي طيبه اوي يارقيه ،بعد كل اللي عملته فيكي وبتسأليني عامله ايه
رقيه: أنا مش فاهمه حاجه ،وايه اللي انتي عملتيه فيا
يارا بد,موع وند,م :أنا هحكيلك كل حاجه بس أرجوكي سامحيني
يارا حكت لرقيه كل اللي حصل
يارا بد,موع ووجع:من فتره قريبه كنت بتعب كتير قررت أروح لدكتور ،واكتشفت إني عندي ورم خبيث عالمخ وفي أي لحظه ممكن أمـ,,ـوت
رقيه بحزن علي يارا: لا حول ولا قوه الا بالله
