المشوهه
عنان : رقيه انتي عارفه كويس إن مش ده اللي في قلبي ..من أول يوم جوازنا وأنا قولتلك إن الموضوع ده مش فارقلي ..وإنك انتي أهم حاجه عندي
رقيه بتوهان :أنا أنا ..كنت قولت خلاص ربنا عوضني عن كل الوجع اللي شوفته في حياتي .. قولت خلاص مش هتجرج تاني وهعيش حياه طبيعيه ،بس شكلي كنت غلطانه وإن تشوهي ده هيفضل دايما نقطه سودا في حياتي
عنان بعصبيه : متقوليش تشوه ..انتي مش مشـ,,ـوهه اللي حصل مكانش ذنبك ،،
رقيه استمرت في العياط
عنان اتنهد ومسك إيدها حطها علي قلبه وبعدين قال: رقيه أنا بحبك ..انتي أجمل ست في عنيا..حبك خلاني أعمي عن كل الستات اللي في الدنيا دي .. أنا أمـ,,ـوت لو بعدتي عني ..رقيه أرجوكي اديني فرصه تانيه وأنا هحاول أفهم اللي حصل في الليله دي بس انتي خليكي معايا
رقيه فضلت ساكته وصوت شهقات عياطها بيقطع هدوء الأوضة ،،وفجأه رقيه شالت إيدها من علي صدر عنان وقلعت خاتم جوازهم وحطيته في إيده وحاولت تتماسك وهي بتقول : طلـ,,ـقني يا عنان
عنان بصدمه : انتي بتقولي ايه
وبعدين حاول يلبسها الدبله بالعافيه لدرجة إن صوباعها اتجرح وبدأ ينـ,,ـزف د,م وبعدين اتكلم بوجع وقال : لا يارقيه مش هسمحلك تحرميني منك ..مش هسمحلك تبعدي وتنسي كل اللي مابينا
رقيه ضـ,,ـربته بإيديها علي صدره بوجع :مش هقدر..والله ماهقدر ..عنان الحياه بينا بقت مستحيله ..مش هقدر أنسي كلامك مش هقدر أنسي إنك قولت إني بتغمض عينك وانت معايا عشان متشوفش شكل جسـ,,ـمي ..حتي لو سامحتك ورجعنا كلامك هيفضل يرن في ودني طول عمري .. حياتنا هتبقي جحيم يا عنان .. جحيم
عنان بصلها بحزن ووجع شديد ،وبعدين دفـ,,ـن وشه في إيديه
الهدوء بقى هو المسيطر في الأوضه مش بيقطعه غير صوت شهقات رقيه من وقت للتاني
وفجأة عنان قال : ايه رأيك ناخد بريك من بعض شويه
رقيه باستغراب : يعني ايه ناخد بريك
عنان :أنا هسافر لفرع شغلي اللي في إنجلترا .. انتي عارفه إنهم طلبوا مني أتنقل الفرع ده كذا مره، لكن أنا رفضت عشان مش عايز أسيبك انتي وحمزه .. هوافق وأسافر فتره لحد ما أعصابك تهدى شويه وتعرفي تفكري بهدوء ..خدي الوقت اللي انتي عايزاه شهر اتنين سنه حتي لو عشره أنا موافق بس بلاش موضوع الطـ,,ـلاق ده
رقيه سكتت شويه مش عارفه تقول ايه ،توافق علي فكرته دي وتحاول تنسي وتسامح ،ولا تصمم عالطـ,,ـلاق
هي حاليا مش قادره تاخد قرار خالص
عنان قرب من رقيه ومسك إيديها وقال :وحياة ابننا حمزه يارقيه وافقي ،هبعد الوقت اللي انتي عايزاه لحد ما تحسي إنك قادره تسامحيني ،أرجوكي يا رقيه بلاش يبقي فراقنا سهل عليكي كده ،أرجوكــي
رقيه سكتت شويه وبعدين أخدت قرارها وقالت :أنا موافقه يا عنان ،بس بشرط
عنان: شرط ايه
رقيه:لو بعد الفتره اللي هنبعد فيها دي مقدرتش أسامحك هتحترم قراري وتطـ,,ـلقني ..اوعدني
عنان قرر ياخدها علي قد عقلها : أوعدك يا روكا
عنان وقف وراح عند السرير اللي ابنه حمزه نايم عليه وباسه بحب من راسه ووشه ورجله ،هو مش عارف ممكن يشوفه امتي
عنان مشي خطوتين للباب وبص علي رقيه اللي كانت منزله راسها في الأرض وبتحاول تكتم عياطها
عنان مقدرش يلجم مشاعره ورجع لرقيه وأخدها في حـ,,ـضنه بقوه .. وبعدين باسها من جبينها ومسك خصله من شعرها الغجري الطويل اللي بيعشـ,,ـقه وشمه بعمق ..
بيعشـ,,ـق ريحة شعرها اللي زي الياسمين
عنان بد,موع محبـ,,ـوسه: خلي بالك من نفسك ومن ابننا حمزه
